Ray Parlour, goðsögn Arsenal, hefur látið Jurgen Klopp, stjóra Liverpool, létt heyra það eftir leik við Atletico Madrid í gær.
Liverpool er úr leik eftir 3-2 tap í framlengingu við Atletico og gagnrýndi Klopp leikstíl spænska liðsins eftir viðureignina.
Klopp skilur ekki af hverju Atletico spilar svo varnarsinnað en Parlour er undrandi á þeim ummælum.
,,Það kemur mér á óvart að hann hafi gagnrýnt þeirra leikstíl. Hvernig bjóst hann við að þeir myndu spila?“ sagði Parlour.
,,Þeir ætluðu ekki að mæta til að spila opinn leik á Anfield þegar þeir eru með 1-0 forystu.“
,,Þú verður að bakka aðeins svo hvað býstu við að þeir geri?“
