Manchester United er komið með annan fótinn í 8-liða úrslit Evrópudeildarinnar eftir leiki kvöldsins.
United spilaði við austurríska félagið LASK Linz á útivelli og var í engum vandræðum þar.
Þeir ensku reyndust einfaldlega of stór biti fyrir LASK og rústuðu leiknum með fimm mörkum gegn engu
Þeir Odion Ighalo, Daniel James, Juan Mata, Mason Greenwood og Andreas Pereira gerðu mörk United.
Ragnar Sigurðsson var ekki með FCK sem spilaði við Basaksehir frá Tyrklandi á sama tíma.
FCK tapaði 1-0 á útivelli og er því í fínni stöðu fyrir síðari leikinn í Danmörku.
Basel kom þá öllum á óvart og fór illa með þýska liðið Eintracht Frankfurt en lokatölur í Þýskalandi voru 0-3 fyrir þeim svissnensku.
LASK 0-5 Manchester United
0-1 Odion Ighalo
0-2 Daniel James
0-3 Juan Mata
0-4 Mason Greenwood
0-5 Andreas Pereira
Frankfurt 0-3 Basel
0-1 Samuele Campo
0-2 Kevin Bua
0-3 Fabian Frei
Basaksehir 1-0 FCK
1-0 Edin Visca
