Jóhann Berg Guðmundsson, kantmaður Burnley er áfram frá vegna meiðsla og spilar ekki gegn Manchester City um helgina.
Sean Dyche, stjóri Burnley staðfesti þetta í dag en fleiri leikmenn Burnley eru frá þessa dagana.
Jóhann hefur ekki spilað síðustu vikur og hefur lítið getað tekið þátt á þessu tímabili.
Kantmaðurinn hefur í tvígang meiðst illa aftan í læri og einnig á kálfa. Ekki kom fram, hvenær búist er við því að Jóhann nái heilsu.
Ef fram heldur sem horfir er ansi ólíklegt að Jóhann geti spilað með íslenska landsliðinu í umspilinu um laust sæti á EM.
