Josip Ilicic, leikmaður Atalanta, segist verða betri með aldrinum en hann er 32 ára gamall í dag.
Þrátt fyrir að vera orðinn 32 ára gamall þá skoraði Ilicic fernu í 4-3 sigri á Valencia í Meistaradeildinni í gær.
Ilicic hefur skorað 21 mark í 29 leikjum á þessu tímabili og það er ekkert að hægjast á sóknarmanninum.
,,Því eldri sem ég verð því betur spila ég. Ég er að skemmta mér, við erum að njóta þess að spila,“ sagði Ilicic.
,,Það var leiðinlegt að engir stuðningsmenn gátu mætt, við viljum skemmta þeim og leyfa þeim sem eru heima að fagna.“
