Það er búið að fresta leik Inter og Getafe í Evrópudeildinni sem átti að fara fram á morgun.
Leikmenn Getafe neituðu að ferðast í leikinn sem átti að fara fram í Milano á Ítalíu.
Ástæðan er auðvitað útbreiðsla kórónavírusins en veiran er orðin hættulega algeng í landinu.
Það eru takmörkuð flug sem fara á milli Spánar og Ítalíu og þess vegna verður ekki spilað.
Óvíst er hvenær leikurinn fer fram en það mun koma í ljós á næstunni.
