Manchester United virðist hafa mikinn áhuga á að fá Jack Grealish frá Aston Villa í sumar. Hann er sterklega orðaður við félagið.
Grealish er 24 ára gamall og hefur staðið sig vel á þessu tímabili í slöku liði Villa.
Daily Mirror segir að United sé tilbúið að borga 70 milljónir punda fyrir Grealish.
Ole Gunnar Solskjær er að reyna að byggja upp hjá United en liðið hefur ekki tapað í síðustu 10 leikjum.
Grealish og Aston Villa eru að berjast fyrir lífi sínu í deild þeirra bestu en búist er við að Grealish fari í sumar.
