Slóvakía og Írland munu mætast fyrir luktum dyrum í lok mánaðar vegna COVID-19 veirunnar. Búið er að banna áhorfendur á kappleikjum í Slóvakíu næstu vikunnar til að reyna að stoppa útbreiðslu.

Ákvörðun Slóvakíu vekur mikla athygli en þar hafa hingað til aðeins 7 tilfelli af COVID-19 veirunni greinst. Ísland leikur gegn Rúmeníu í umspili á sama tíma á Laugardalsvelli, hér á Íslandi hafa 69 greinst með COVID-19 veiruna en ekki hefur verið gefið út að áhorfendur verði bannaðir á Laugardalsvelli.

Fjöldi smita er að aukast hratt í Rúmeníu og gæti landið brátt verið flokkað sem áhættusvæði.

,,Við höfum ekki sett Rúmeníu sem áhættu svæði, það er ómögulegt að segja,“ sagði Víðir Reynisson öryggisfulltrúi KSÍ og yfirlögregluþjónn hjá embætti Ríkislögreglustjóra, á fréttamannafundi í dag.

Líkurnar aukast á hverjum degi um að leikurinn verði fyrir luktum dyrum en 10 þúsund miðar eru seldir á leikinn. ,,Það hefur væntanlega verið rætt hjá KSÍ, það er uppselt á leikinn. Samkomubann færi yfir slíkt, við sjáum hvernig málin þróast.