Jeremie Boga, leikmaður Sassuolo, telur að hann geti orðið jafn góður og Eden Hazard, stjarna Real Madrid.
Boga og Hazard voru saman hjá Chelsea á sínum tíma en hafa báðir yfirgefið félagið.
Boga er 23 ára gamall en hann hefur undanfarið gert mjög góða hluti í ítölsku úrvalsdeildinni.
,,Hazard er klárlega betri en ég en ekki samkvæmt mínu höfði. Ég veit hvað ég get og veit að með tímanum get ég komist í þennan flokk,“ sagði Boga.
,,Ég horfi á myndbönd af Leo Messi, Hatem Ben Arfa og Hazard. Núna er ég hrifinn af Neymar líka en ég vel alltaf fyrstu þrjá.“
