Mikel Arteta, stjóri Arsenal, segir að Manchester City sé búið að vera óheppið á þessu tímabili.
Arteta vann hjá City sem aðstoðarmaður Pep Guardiola í byrjun tímabils en tók svo við Arsenal.
Arteta mætir sínum gömlu félögum á miðvikudaginn er liðin eigast við í ensku úrvalsdeildinni.
,,Stundum þá eru það smáatriðin sem skipta máli og ég tel að þeir hafi verið mjög óheppnir,“ sagði Arteta.
,,Við þurfum að eiga okkar besta leik, það er á hreinu ef við ætlum að vinna þennan leik.“
