Jurgen Klopp, stjóri Liverpool, sagði eitt sinn við Shinji Kagawa að Dortmund hefði unnið meistaratitilinn í Þýskalandi þökk sé honum.
Það er Kagawa sem greinir frá þessu en þeir unnu saman hjá Dortmund þar sem Klopp var í sjö ár áður en hann hélt til Englands.
,,Hann sagði mér að Dortmund hefði orðið meistari því ég var hluti af liðinu,“ sagði Kagawa.
,,Auðvitað voru aðrir leikmenn þarna en þetta lyfti sjálfstraustinu. ‘Þú þarft ekki að hafa áhyggjur,’ sagði hann við mig.“
,,Ég hafði engar áhyggjur. Þessi orð gerðu mig svo ánægðan. Ég mun aldrei gleyma þeim.“
