Ilkay Gundogan, leikmaður Manchester City, er pirraður yfir aukaspyrnunni sem Manchester United fékk í gær.
Fyrra mark United í 2-0 sigri kom eftir aukaspyrnu sem var dæmd á Gundogan.
Hann var sagður hafa brotið á Bruno Fernandes en ásakar Portúgalann um að kasta sér í grasið.
,,Það var pirringur yfir aukaspyrnunni sem var dæmd fyrir markið – þetta var aldrei aukaspyrna,“ sagði Gundogan.
,,Ég snerti boltann og hann kastaði sér í grasið öskrandi. Ég veit ekki hvort dómarinn hafi séð þetta eða hvort hann hafi giskað á að þetta væri aukaspyrna.“
,,Þetta var mjög svekkjandi fyrir mig því ég var hluti afþ essu og að fá mark strax á eftir særði mikið.“
