Manchester United vann gríðarlega mikilvægan sigur í ensku úrvalsdeildinni í gær er liðið mætti Manchester City. United er í harðri baráttu um Meistaradeildarsæti og var sex stigum frá Chelsea fyrir leikinn í gær.
Chelsea lagði Everton 4-0 en United tókst að svara og lagði grannana sína 2-0 á Old Trafford. Leikurinn var ágætis skemmtun en tvö mörk voru skoruð og það voru heimamenn sem gerðu þau bæði. Anthony Martial skoraði fyrra markið á 30. mínútu eftir laglega aukaspyrnu Bruno Fernandes. Ederson í marki City hefði þó mátt gera betur.
Ederson gerði sig svo sekan um önnur mistök í uppbótartíma er hann henti boltanum á Scott McTominay sem þakkaði pent fyrir sig og skoraði í autt markið af löngu færi.
Nemanja Matic átti góðan leik á miðsvæði United en hann hefur stimplað sig inn á síðustu vikum. Talið var að Matic væri á förum frá United en góð frammistaða síðustu vikur, hefur orðið til þess að hann er að fá nýjan samning.
Ef tölfræðin er skoðuð er Matic lykill að því að United vinni leiki, hann hefur byrjað 20 leiki á þessu tímabili og í 14 af þeim hefur United haldið hreinu. Hann ver varnarlínuna vel og þegar lið heldur hreinu, er iðulega auðveldara að vinna leiki.
🇷🇸 Nemanja Matic has now started 20 matches in all competitions for @ManUtd this season
⛔️ #MUFC have kept 14 clean sheets in those matches… pic.twitter.com/hPYtHougDK
— WhoScored.com (@WhoScored) March 9, 2020
