Boxgoðsögnin Floyd Mayweather er sögð vera að skoða það að kaupa lið Newcastle á Englandi.

Mayweather hefur lagt hanskana á hilluna en hann sigraði Conior McGregor árið 2017 og sagði það gott eftir það.

Mayweather var staddur í Newcastle nýlega og var spurður út í möguleg kaup á félaginu.

Miðað við svarið þá er Mayweather opinn fyrir því að skoða það að kaupa liðið af hinum umdeilda Mike Ashley.

,,Í Bandaríkjunum þá köllum við þetta ‘soccer’ en þetta Newcastle lið er ótrúlegt, alvöru lið,“ sagði Mayweather.

,,Ef það er fólk þarna úti sem vill sjá mig kaupa Newcastle, látið mig þá vita!“

Mayweather hefur þénað nóg á ferlinum og gæti keypt Newcastle á 300 milljónir punda.