Manchester United vann gríðarlega mikilvægan sigur í ensku úrvalsdeildinni í dag er liðið mætti Manchester City.
United er í harðri baráttu um Meistaradeildarsæti og var sex stigum frá Chelsea fyrir leikinn í dag.
Chelsea lagði Everton 4-0 en United tókst að svara og lagði grannana sína 1-0 á Old Trafford.
Leikurinn var engin stórkostleg skemmtun en aðeins eitt mark var skorað og það gerði Anthony Martial.
Martial skoraði eina markið á 30. mínútu eftir laglega aukaspyrnu Bruno Fernandes. Ederson í marki City hefði þó mátt gera betur.
Bæði lið fengu færi til að bæta við mörkin en meira var ekki skorað og lokastaðan, 1-0.
Pep Guardiola, stjóri City, var að tapa sjöunda deildarleiknum á tímabilinu í fyrsta sinn á ferlinum.
Pep Guardiola has lost seven league games in a single top-flight season for the first time in his managerial career. 😱 pic.twitter.com/o615sJFGD2
— Squawka Football (@Squawka) 8 March 2020
