Aron Jóhannsson er að koma sterkur inn í lið Hammarby sem leikur í sænsku úrvalsdeildinni.
Eftir rólega byrjun þá er Aron farinn af stað en eins og flestir þekkja hefur hann lengi verið að glíma við erfið meiðsli.
Aron spilaði allan leikinn í dag er Hammarby mætti Sundsvall í sænska bikarnum.
Framherjinn komst á blað í öruggum sigri en hann skoraði fyrsta markið á 46. mínútu í viðureign sem endaði 4-0.
Aron var að skora sitt þriðja mark á stuttum tíma en hann gerði nýlega tvennu í deild.
