Liverpool er komið aftur á sigurbraut eftir leik við Bournemouth í ensku úrvalsdeildinni í dag.
Liverpool hefur verið í smá lægð undanfarið og tapaði síðustu þremur af fjórum leikjum sínum.
Það byrjaði ekkert of vel á Anfield í dag en Callum Wilson kom Bournemouth yfir eftir níu mínútur.
Sú forysta entist ekki lengi en á 25. mínútu jafnaði Mohamed Salah metin fyrir heimamenn.
Sadio Mane skoraði svo annað mark átta mínútum síðar sem reyndist nóg til að tryggja Liverpool sigurinn.
Harry Wilson spilaði ekki með Bournemouth í leiknum en hann hefur leikið þar allt tímabilið í láni frá Liverpool.
Það vakti athygli að Wilson var í úlpu merktri Liverpool í stúkunni frekar en að vera merktur liðinu sem hann spilar með þessa stundina.
