Jose Mourinho var latur knattspyrnumaður á sínum tíma en þetta segir fyrrum liðsfélagi hans, Baltemar Brito.

Mourinho og Brito spiluðu saman hjá Rio Ave í Portúgal en sá fyrrnefndi lék alls 16 leiki.

Mourinho lagði skóna snemma á hilluna og er í dag einn sigursælasti knattspyrnustjóri sögunnar.

,,Hann var sóknarsinnaður miðjumaður sem spilaði yfirleitt fyrir aftan framherjann,“ sagði Brito.

,,Hann var með gæði en það sem hélt honum aftur var að hann var búinn að finna sína leið í lífinu, mamma hans var kennari og pabbi hans þjálfari.“

,,Það var eins og fótbolti væri bara áhugamál fyrir hann. Honum fannst gaman að spila en var svolítið latur. Hann lagði sig ekki eins mikið fram og hann hefði átt að gera.“