Kieran O’Hara, leikmaður Manchester United, hefur verið dæmdur í sex leikja bann.
O’Hara er í eigu United en hann hefur spilað með Burton Albion í þriðju efstu deild Englands.
O’Hara er 23 ára gamall en hann er dæmdur í bann fyrir að bíta andstæðing í leik gegn Peterborough þann 29. febrúar.
Hann er dæmdur fyrir að bíta framherjann Sammie Szmodics og var einnig sektaður um 2,500 pund.
Markvörðurinn mun því ekki spila þar til í apríl en framtíð hans hjá Burton er einnig í hættu.
