Jurgen Klopp, stjóri Liverpool, var ánægður með að sjá sína menn næla í sigur í ensku úrvalsdeildinni í dag.

Liverpool komst aftur á sigurbraut eftir tvö töp í röð en liðið vann Bournemouth 2-1 á Anfield.

,,Ég veit hvað strákarnir geta gert en ég er ekki sá sem er að spila, þeir eru að spila,“ sagði Klopp.

,,Þú þarft að finna fyrir þessari tilfinningu að hlutirnir séu að ganga upp. Þú þarft að berjast sem er það mikilvægasta.“

,,Við erum með 82 stig núna sem er mjög fínt. Við höldum áfram. Við gefum öllum góðan slag eins og í dag.“

,,Við höfum ekki verið stöðugir síðustu tvær vikur. Við misstum stöðugleika. Það var ekki gaman.“