Tilnefningar til Eddunnar voru opinberaðar í gær og vekja þær oft upp mikla umræðu, sitt sýnist hverjum og margir deila um hvaða eigi heima þarna og hvað hefði átt heima þarna þess í stað.

Hörður Magnússon, fyrrum íþróttafréttamaður á Stöð2 Sport tekur upp boxhanskana í kvöld og veltir málum fyrir sér. Herði var sagt upp störfum síðasta haust, eftir farsælt starf á Stöð2 Sport. Þátturinn sem hann stýrði til margra ára, Pepsi Max-mörkin voru ekki tilnefnd, og stakk Hörður niður penna vegna þess. Þátturinn var afar vinsæll og Hörður einn vinsælasti sjónvarpsmaður Íslands, í seinni tíð.

,,Eddan loksins, tilnefningar varðandi íþróttir. Það er mjög sérstakt að sjá langbesta íþróttaprógram þjóðarinnar ekki tilnefnt, Pepsimörkin,“ skrifar Hörður á Facebook síðu sína í kvöld.

Hörður segir að það komi sér þó varla á óvart, hann viti hvaða fólk ræður för hjá Vodafone sem er eigandi Stöð2.

,,Kemur mér reyndar ekki á óvart vitandi hvers konar fólk er þarna á bakvið tjöldin á suðurlandsbraut. Pepsimörkin voru ekki send til tilnefningar,“ skrifar Hörður.

Ríkharð Óskar Guðnason sem starfar á Stöð2 Sport í dag benti Herði á að allt íslenskt íþróttaefni af Stöð2 hafi verið sent inn til tilnefningar, en færslu Ríkharðs var svo eytt.

Hörður hjólar svo í Kjartan Atla Kjartansson og félaga úr Körfuboltakvöldi sem voru tilnefndir til Eddunnar, segir hann þáttinn iðulega ver með drukkna álitsgjafa. ,,Heldur frekar fyllerískvöld körfuboltans. Drukknir álitsgjafar á föstudagskvöldi. Annállar voru brandari en þetta er tilnefnt. Þurfa menn að hlæja eða gráta?“

Heitar umræður eru um málið og ekki allir sem eru sáttir við hvernig Hörður tekur til máls.

Eftir að fréttin fór í loftið hefur Hörður nú eytt færslu sinni.