Trent Alexander-Arnold, leikmaður Liverpool, hefur útskýrt af hverju hann fagnaði eins og Kylian Mbappe í desember.
Alexander-Arnold var búinn að hugsa um þetta fagn lengi en tókst svo loksins að skora gegn Leicester annan í jólum.
,,Fagn Mbappe! Þetta er eitthvað sem ég geri með vinum mínum, við grínumst með þetta,“ sagði Alexander-Arnold.
,,Augljóslega þá skora ég ekki of mikið og ég sagði það lengi að ég myndi fagna svona þegar ég myndi skora.“
Ég hafði hugsað um þetta í svona þrjá til fjóra mánuði áður en ég skoraði svo þetta var vel planað!“
