Harry Kane, stjarna Tottenham, er viss um að hann nái EM með enska landsliðinu í sumar.
Kane hefur undanfarnar vikur verið frá vegna meiðsla en hann stefnir á að verða klár fyrir miðjan apríl.
Upphaflega var talið að Kane myndi missa af EM en hann er á hraðri bataleið.
,,Samkvæmt sjálfum mér þá verð ég klárlega á EM í sumar,“ sagði Kane við the Evening Standard.
,,Það er ef ekkert rosalegt gerist þar til mótið hefst, þá verð ég þar. Ég er ekki byrjaður að æfa með aðalliðinu en er að verða sterkari.“
