Aleksander Ceferin, forseti UEFA, vill sjá enska knattspyrnusambandið leggja niður deildarbikarinn.
Deildarbikarinn hefur verið keppni á Englandi í mörg ár og fór af stað upphaflega árið 1960.
Keppnin hefur verið mikið notuð fyrir stórlið til að gefa ungum og efnilegum leikmönnum tækifæri.
,,Deildarbikarinn er nú þegar farinn í Frakklandi. Það er aðeins England sem er eftir,“ sagði Ceferin.
,,Ég held að allir viti það að það sé betra ef þessi keppni verður lögð niður. Englendingar eru íhaldssamir og elska hluti sem hafa verið í gangi lengi.“
