Manchester United reynir eins og félagið getur til að sannfæra Jude Bellingham, 16 ára leikmann Birmingham að ganga í raðir félagsins.

Allt bendir hins vegar til þess að hann fari til Dortmund. Þannig segir The Athletic að Dortmund sé búið að ná samkomulagi við Birmingham um kaupverðið og að laun Jude Bellingham verði ekki vandamál.

Bellingham er enskur miðjumaður sem hefur vakið athygli fyrir vaska framgöngu á þessu tímabili í næst efstu deild.

Athletic segir að Manchester United sé á fullu þessa dagana að sannfæra Bellingham um að koma til félagsins frekar en að fara til Dortmund.

United tapaði slíku stríði í janúar þegar Erling Haaland valdi Dortmund frekar en United.