Forráðamenn liða í ensku úrvalsdeildinni búast við því að leikið verði fyrir luktum dyrum vegna COVID-19 veirunnar.

Veiran er að breiðast hratt út um England og nálgast nú staðfest smit um 100, hér á Íslandi hafa yfir 30 greinst með veiruna.

Á Ítalíu geta áhorfendur ekki mætt á leiki næsta mánuðinn vegna veirunnar, leikið verður fyrir luktum dyrum fram í apríl.

Sama gæti gerst á Englandi og á Íslandi en það hefur þó ekki verið staðfest. Ensk blöð segja að forráðamenn deildarinnar búist ekki við öðru en að veiran muni á endanum verða til þess, að áhorfendur verði bannaðir á Englandi.