Leicester á Englandi rifjar í dag upp mark sem Jóhannes Karl Guðjónsosn, í dag þjálfari ÍA skoraði fyrir félagið fyrir fjórtán árum síðan.

,,Jóhannes Karl Guðjónsson var maður helgarinnar í ensku b-deildinni um helgina en hann skoraði tvö frábær mörk fyrir Leicester í 3-2 sigri á Hull þar á meðal sigurmarkið sex mínútum fyrir leikslok. Jóhannes Karl, sem var besti maður íslenska landsliðsins gegn Trínidad og Tóbaco í síðustu viku, hefur samið við hollenska félagið Alkmaar frá og með næsta sumri,“ segir í frétt DV um málið frá 2006.

,Ég skoraði einu sinni af löngu fœri í leik með íslenska landsliðinu en það mark var beint úr aukaspyrnu. Þegar ég fékk boltann hafði ég tíma svo ég gat litið upp og sé að markvörðurinn var framarlega. Ég lét því bara vaða, hitti boltann fullkomlega og ég held að markvörðurinn hafi aldrei átt möguleika. Um leið og ég hafði snert boltann vissi ég að hann færi í markið,“ sagði Jóhannes Karl í viðtali við heimasíðu Leicester.

Markið skoraði hann frá miðju vallarins. Jóhannes Karl fékk þá boltann á eigin vallarhelmingi, lék að miðjunni og sendi hann þaðan með hnitmiðuðu skoti yfir markvörðinn, sem stóð framarlega í vítateig sínum. Boltinn sveif óverjandi í markið undir þverslána og í enskum fjölmiðlum var markinu lfkt við frægt mark sem David Beckham skoraði fyrir Manchester United gegn Wimbledon.

Markið var kosið það besta hjá Leicester þetta árið og var Jóhannes kjörinn leikmaður ársins hjá félaginu.

Joey Guðjónsson from the halfway line 😳#OnThisDay in 2006 📅 pic.twitter.com/yCejRhSsm9

— Leicester City (@LCFC) March 4, 2020