Tottenham og Norwich áttust við í enska bikarnum í kvöld en spilað var í London.
Tottenham komst yfir á heimavelli sínum í kvöld með skallamarki frá varnarmanninum Jan Vertonghen.
Josip Drmic jafnaði metin fyrir Norwich þegar 12 mínútur voru eftir og framlenging næst á dagskrá.
Engin mörk voru skoruð í framlengingunni og þurftu úrslitin því að ráðast í vítaspyrnukeppni.
Tim Krul reyndist hetja Norwich í vítakeppninni en hann varði þrjár spyrnur og kom liðinu áfram. Norwich mætir Manchester United eða Derby í næstu umferð.
