Leicester og Manchester City eru komin áfram í næstu umferð enska bikarsins eftir leiki kvöldsins.
Leicester mætti Birmingham á heimavelli og hafði betur með marki frá Ricardo Pereira.
City mætti einnig liði í Championship-deildinni en Sheffield Wednesday tók á móti meisturunum.
Sergio Aguero reyndist munurinn á liðunum í kvöld og gerði eina markið í 1-0 sigri gestanna.
Tottenham og Norwich eru þá á leið í framlengingu en þau skildu jöfn 1-1 í London.
Jan Vertonghen kom Tottenham yfir en Josip Drmic jafnaði fyrir Norwich þegar 12 mínútur voru eftir.
