Chelsea er komið áfram í enska bikarnum eftir leik gegn Liverpool á Stamford Bridge í gær.
Liverpool hefur verið í smá lægð undanfarið og tapaði gegn Atletico Madrid og Watford. Chelsea nýtti sér það í gær og vann góðan 2-0 heimasigur og var frammistaða liðsins mjög góð.
Liverpool hefur þar með tapað þremur af síðustu fjórum leikjum sínum en fyrirliði liðsins, Jordan Henderson fór meiddur af velli í tapinu gegn Atletico Madrid.
Liverpool hefur virkað eins og höfuðlaus her án Henderson. ,,Það eru allar líkur á því að fjarvera Jordan Henderson, geti tryggt honum verðlaunin sem knattspyrnumaður ársins,“ skrifar Gary Lineker, sérfræðingur um enska boltann.
,,Stundum áttar þú þig ekki á mikilvægi leikmanns fyrr en hann er fjarverandi.“
Liverpool er á toppi ensku deildarinnar með 22 stiga forskot og nánast búið að vinna deildina.
There’s every chance that @JHenderson’s injury could well clinch him the Footballer of the Year trophy. Sometime’s you don’t realise a player’s importance to a side until they’re absent.
— Gary Lineker (@GaryLineker) March 3, 2020
