Josh Maja, framherji Bordeaux, vonast til að spila fyurir Arsenal einn daginn.
Maja er fyrrum leikmaður Manchester City og Sunderland en hann hefur staðið sig vel í Frakklandi.
Maja er stuðningsmaður Arsenal en þessi 21 árs gamli leikmaður stefnir þangað einn daginn.
,,Augljóslega þá ólst ég upp í London og það er einn af mínum draumum að spila í úrvalsdeildinni,“ sagði Maja.
,,Liðið mitt er Arsenal svo vonandi einn daginn þá fæ ég tækifæri til að spila fyrir þá, ef ekki þá fá þeir áfram minn stuðning.“
