Hans Joachim Watzke, stjórnarformaður Dortmund, telur að Jadon Sancho sé ekki að leitast eftir því að komast burt.

Sancho er á óskalista bestu liða heims en hann hefur staðið sig virkilega vel í Þýskalandi.

Watzke segir þó að Dortmund þurfi ekki að selja og að það sé nóg til í bankanum.

,,Ég held að hann telji að framtíð Dortmund sé björt. Að mínu mati þá held ég að hann vilji ekki fara,“ sagði Watzke.

,,Við ræðum þetta. Þetta snýst ekki um peningana. Það væri best fyrir okkur að halda honum.“

,,Við eigum nóg af peningum. Við viljum vinna titla. Ég held að félagið eigi meiri möguleika á því með Jadon frekar en án Jadon.“