Paul Pogba, miðjumaður Manchester United snýr aftur til æfinga í vikunni og er sagður spenntur fyrir því að spila aftur. Hann er sagður hafa fylgst með síðustu leikjum liðsins og hrifist.
Þannig segja erlendir miðlar frá því að Pogba sé spenntur fyrir því að spila með Bruno Fernandes, sem kom til félagsins í janúar.
Fernandes hefur kveikt smá neista í United en Pogba hefur lítið getað spilað í ár vegna meiðsla.
Pogba vill losna frá United í sumar en hann sér möguleika á því að spila vel og ná árangri með Fernandes á miðsvæðinu.
Það gæti hins vegar reynst Pogba erfitt að negla sér sæti í byrjunarliðinu en Fernandes og Fred hafa spilað vel síðustu vikur, og Nemanja Matic hefur fundið taktinn.
