Hólmbert Aron Friðjónsson, framherji Álasunds í Noregi er ekki með slitið krossband eins og óttast var. Þetta var staðfest í gær.
Hólmbert meiddist gegn Molde um helgina og sögðu læknar eftir atvikið að hann væri líklega með slitið krossband.
Eftir frekari skoðun kom í ljós að krossbandið er ekki slitið en hann verður frá í einhverjar vikur.
Brot var í hnéskel Hólmberts og mun hann missa af byrjun tímabilsins í norsku úrvalsdeildinni.
Tíðindin eru þó góð fyrir framherjann sem hafði undirbúið sig undir það að tímabilið væri á enda.
