Roy Keane, goðsögn Manchester United, gagnrýndi Gylfa Þór Sigurðsson í leik gegn Everton í dag.

Það var hörkuleikur í boði á Goodison Park en honum lauk með 1-1 jafntefli nokkuð sanngjarnt.

Í uppbótartíma virtist Everton hafa skorað sigurmark er Dominic Calvert-Lewin átti skot í Harry Maguire og í netið.

Það var hins vegar dæmd rangstaða á Gylfa Þór Sigurðsson sem lá í grasinu fyrir framan David de Gea en hann fékk gott færi stuttu áður.

,,Ég væri mjög pirraður út í Sigurðsson fyrir að færa sig ekki. Endilega segið mér eftir hverju hann er að bíða?“ sagði Keane.

Gylfi var tvisvar nálægt því að skora og átti einnig aukaspyrnu sem fór í stöngina.