Real Madrid 2-0 Barcelona
1-0 Vinicius Jr. (71′)
2-0 Mariano(92′)
Stórleikur helgarinnar í boltanum er nú lokið en spilað var á Santiago Bernabeu í Madríd.
Real Madrid tók þar á móti Barcelona í El Clasico en aðeins tvö stig skildu liðin að á toppnum fyrir viðureignina.
Barcelona var tveimur stigum á undan Real en það varð breyting á því eftir leikinn í kvöld.
Real hafði betur með tveimur mörkum gegn engu en þeir Vinicius Jr. og Mariano Diaz gerðu mörkin.
Vinicius átti skot í Gerard Pique sem fór svo í netið og kom Real einu stigi á undan Barcelona á toppnum.
Mariano kom inná sem varamaður í blálokin og nýtti sér skyndisókn til að koma Real í 2-0.
