Steven Gerrard, stjóri Rangers, hefur gefið í skyn að hann gæti verið að kveðja félagið eftir 1-0 tap gegn Hearts í skoska bikarnum í gær.

Rangers er úr leik í bikarnum eftir að hafa slegið Braga úr keppni í Evrópudeildinni fyrr í þessari viku.

,,Frammistaðan okkar var ekki næstum því nógu góð. Á miðvikudag var ég stoltasti maður Evrópu því mínir leikmenn voru magnaðir,“ sagði Gerrard.

,,Allt sem við höfum unnið að síðustu tvö ár, ég gat séð það á hliðarlínunni. Ég var svo stoltur.“

,,Í 90 mínútur í dag þá kannaðist ég ekki við neitt. Ég er miður mín. Tvö tímabil án bikars er ekki nógu gott.“

,,Það er að lokum á mér. Ég þarf að hugsa mig um núna. Ég þarf að pæla í því hvar við erum. Ég þarf að hugsa mig alvarlega um næstu 24-48 tímana.“