Watford 3-0 Liverpool
1-0 Ismaila Sarr(54′)
2-0 Ismaila Sarr(60′)
3-0 Troy Deeney(72′)
Óvæntustu úrslit tímabilsins í ensku úrvalsdeildinni áttu sér stað í kvöld er Liverpool heimsótti Watford.
Liverpool hefur verið óstöðvandi á tímabilinu og var fyrir leikinn með 22 stiga forskot á toppnum.
Liðið hafði ekki tapað leik í 28 umferðum en gerði eitt jafntefli gegn Manchester United.
Watford var óvænt miklu betri aðilinn gegn verðandi meisturum í kvöld og vann sannfærandi 3-0 heimasigur.
Ismaila Sarr skoraði tvö fyrir Watford í seinni hálfleik en hann komst ítrekað inn fyrir vörn gestanna.
Sarr lagði svo upp síðasta mark leiksins á Troy Deeney til að tryggja Watford ótrúlegan 3-0 heimasigur.
Sigurinn var mikilvægur en Watford lyfti sér úr fallsæti með þessum úrslitum.
