Óvæntustu úrslit tímabilsins í ensku úrvalsdeildinni áttu sér stað í kvöld er Liverpool heimsótti Watford. Liverpool hefur verið óstöðvandi á tímabilinu og var fyrir leikinn með 22 stiga forskot á toppnum. Liðið hafði ekki tapað leik í 28 umferðum en gerði eitt jafntefli gegn Manchester United.
Watford var óvænt miklu betri aðilinn gegn verðandi meisturum í kvöld og vann sannfærandi 3-0 heimasigur. Ismaila Sarr skoraði tvö fyrir Watford í seinni hálfleik en hann komst ítrekað inn fyrir vörn gestanna. Sarr lagði svo upp síðasta mark leiksins á Troy Deeney til að tryggja Watford ótrúlegan 3-0 heimasigur.
Á vellinum var fyrrum leikmaður félagsins og fyrrum landsliðsmaður Íslands, Heiðar Helguson. Félagið var að heiðra þennan fyrrum framherja félagsins, Heiðar lék með Watford frá 1999 til 2005.
Heiðar var elskaður og dáður af stuðningsmönnum félagsins og var heiðraður á Vicarage Road í dag, 20 ár eru síðan hann hóf að spila fyrir félagið. Stuðningsmenn félagsins hafa rifjað upp tíma hans á samfélagsmiðlum og lofsungið Dalvíkinginn.
Heiðar snéri aftur til Watford á láni frá QPR árið 2009 og skoraði þá 11 deildarmörk í 29 leikjum. Hann skoraði í heildina 66 deildarmörk fyrir Watford.
,,Ég mun alltaf elska Heiðar,“ skrifar einn stuðningsmaður Watford á Twitter í kvöld en fleiri færslur má sjá hér að neðan.
Heidar Helguson will always be *the* #watfordfc player for me. Fearless.
— Tom Bodell (@TBBodell) February 29, 2020
Fantastic to hear.
Loved Heidar Helguson!
Such a brave striker and an amazing header of the ball despite being quite short!
— Stephen Hoffman (Ironically) (@thehoff102) February 29, 2020
Fave player since I’ve been alive and supporting x
— Tommy B (@TABrown5) February 28, 2020
I still have full on man love for him and always will #favouritestrikerever
— Andy dibble 🐝🏴⚽️🏌️🏏🥊🕴#ceoliac (@A_dibble07) February 28, 2020
