Það eru flestir ef ekki allir knattspyrnuaðdáendur sem kannast við nafnið Nicklas Bendtner.

Bendtner gerði garðinn frægan hjá Arsenal en hefur einnig spilað með fjölmörgum liðum í Evrópu.

Bendtner á íslenskan vin en það er framherjinn Matthías Vilhjálmsson – þeir voru saman í Rosenborg.

Vandræðagemsinn Bendtner er staddur á Íslandi þessa stundina í stuttu fríi og skemmtir sér hér á landi.

Matthías er með Bendtner í för en þeir heimsóttu til að mynda matsölustaðinn Sushi Social saman.

Það er ekki mikið að gera hjá Bendtner þessa dagana en hann er hér á landi í svokallaðri ‘djammferð’ enda án félags.

Bendtner komst í fréttirnar síðast seint árið 2018 er hann réðst á leigubílstjóra í Danmörku og var dæmdur í 50 daga fangelsi.

Danski sóknarmaðurinn sást á meðal annars í miðbænum en hversu lengi hann verður hér er óvíst!