Valgeir Valgeirsson hefur gert nýjan samning við HK í Pepsi Max-deild karla.
Þetta staðfesti félagið í kvöld en Valgeir er gríðarlega efnilegur leikmaður og er fæddur árið 2002.
Hann fór á reynslu til Danmerkur fyrr á þessu ári og í fyrra en mun þó leika með HK næsta sumar.
Tilkynning HK:
Valgeir Valgeirsson hefur skrifað undir þriggja ára samning við HK.
Valgeir sem er fæddur 2002 hefur spilað alls 24 leiki með yngri landsliðum Íslands og spilaði 20 leiki í Pepsi Max deildinni 2019 þar sem hann skoraði þrjú mörk.
