Andros Townsend, leikmaður Crystal Palace, viðurkennir að hann hafi ekki séð það fyrir að Harry Kane yrði einn besti framherji heims einn daginn.

Townsend og Kane voru saman hjá Tottenham þar sem sá síðarnefndi spilar enn þann dag í dag.

,,Harry er einn besti framherji heims og ég sá það ekki gerast,“ sagði Townsend við blaðamenn.

,,Hann var þó alltaf með grunninn. Alveg frá því að ég sá hann fyrst þá gat hann skorað mörk.“

,,Kannski var hann ekki með hreyfingarnar sem hann er með núna eða kannski aðeins hægari en hann gat alltaf skorað hvar sem er með hvaða löpp sem er.“