Lyon vann virkilega góðan sigur á Juventus en leikið var á heimavelli franska liðsins. Um var að ræða fyrri leik liðanna í 16 liða úrslitum.
Lucas Tousart gerði eina mark leiksins en hann skoraði fyrir Lyon á 31. mínútu fyrri hálfleiks.
Cristiano Ronaldo var skiljanlega ansi pirraður, hann var fenginn til Juventus til að klára Meistaradeildina.
Juventus er í ágætis stöðu en undir lok leiksins hljóp ólátabelgur inn á völlinn. Ronaldo hafði lítinn húmor fyrir slíku og hrinti drengnum burt áður en öryggisverðir komu á sprettinum.
