David Beckham eigandi Inter Miami og fyrrum leikmaður Manchester United er sáttur með það starf sem Ole Gunnar Solskjær er að vinna hjá félaginu.
Solskjær er á sínu fyrsta heila tímabili en United hefur ekki staðið undir væntingum og margir kallað eftir því að Solskjær missi starfið.
,,Ég tel hann vera að vinna gott starf, hann hefur stigið upp og virðist vera að bæta sig. Hann er jákvæður við leikmennina og hann hefur það frá Sir Alex Ferguson,“ sagði Beckham.
,,Ferguson gagnrýndi leikmenn aldrei opinberlega og það hefur Solskjær lært af honum.“
,,Hann er enn að læra og hann mun verja leikmennina sína og verja Manchester United. Allir stuðningsmenn munu styðja við hann, hann er frábær persóna og hefur gert mikið fyrir félagið.“
