Peter Crouch, fyrrum leikmaður Tottenham, hefur gagnrýnt Chelsea vegna framherjans Olivier Giroud.
Giroud skoraði um helgina í 2-1 sigri á Tottenham en hann fær annars ekki mikið að spila hjá félaginu.
Crouch segir að Giroud eigi skilið meiri spilatíma og að Frank Lampard eigi að gefa honum fleiri sénsa.
,,Hann er frábær leikmaður og er ekki notaður nógu mikið hjá Chelsea,“ sagði Crouch.
,,Hann er topp, toppleikmaður og af einhverjum ástæðum þá er verið að gagnrýna hann.“
