Hammarby vann góðan sigur í sænska bikarnum í kvöld er liðið mætti Varbergs á heimavelli.
Með Hammarby leikur framherjinn Aron Jóhannssson sem hefur upplifað erfið ár vegna meiðsla.
Aron var í byrjunarliði Hammarby í dag og tókst að skora tvennu fyrir félagið í sannfærandi 5-1 sigri.
Aron spilaði 78 mínútur í sigrinum og skoraði eitt mark í fyrri hálfleik og eitt í þeim seinni.
Aron gekk í raðir Hammarby frá Werder Bremen á þessu ári en hann hefur lítið spilað síðustu árin.
