Antonio Rudiger, leikmaður Chelsea, segir að rasisminn í knattspyrnu sé búinn að hafa betur í baráttunni.
Rudiger fékk skítkast um helgina er Chelsea vann 2-1 sigur á grönnum sínum í Tottenham.
Rudiger varð fyrir rasisma á heimavelli Tottenham í desember og var baulað á hann af stuðningsmönnum gestaliðsins í gær.
,,Kynþáttahatrið vann. Þeir seku geta alltaf komið alltaf á völlinn og það sýnir þeirra sigur,“ sagði Rudiger.
,,Þetta þarf ekki að snúast um mig, þetta getur gerst við hvern sem er. Þeim er aldrei refsað og að lokum er mér kennt um.“
,,Ég gefst ekki upp og mun halda áfram að tjá mig. Ég mun allaf láta í mér heyra en varðandi þetta þá stend ég einn.“
