Eden Hazard, leikmaður Real Madrid, meiddist enn eina ferðina í gær í leik gegn Levante.
Hazard er ný stiginn upp úr meiðslum en hann þurfti að fara af velli í seinni hálfleik í 1-0 tapi í gær.
Hazard missir af þremur til fjórum mánuðum vegna ökklameiðsla og er EM í sumar í hættu.
Það eru ömurlegar fréttir fyrir belgíska landsliðið en Hazard er einn allra mikilvægasti leikmaður liðsins og er fyrirliði.
Hazard mun líklega ekki spila meira á þessari leiktíð en hann hefur aðeins spilað 15 leiki í öllum keppnum á tímabilinu.
