Jose Mourinho, stjóri Tottenham, reyndi óvænt að fá Peter Crouch til félagsins á þriðjudag.

Crouch greinir sjálfur frá þessu en hann lagði skóna á hilluna í sumar eftir stutt stopp hjá Burnley.

Tottenham er í framherjavandræðum þessa stundina en bæði Heung-Min Son og Harry Kane eru meiddir.

Mourinho hélt um tíma að hann gæti fengið inn neyðarleikmann þar sem tveir af hans bestu mönnum eru meiddir.

,,Þetta var á þriðjudegi þegar síminn minn byrjaði að hringja og óþekkt númer kom upp,“ sagði Crouch.

,,Ég hafði eytt deginum heima og fylgdist með fréttum og hló yfir blaðamannafundi Mourinho.“

,,Ég hugsaði ekki meira um það þangað til síminn hringdi. Venjulega hefði ég ekki svarað en þetta var í gegnum FaceTime sem var öðruvísi. Ég hélt í fyrstu að þetta væri eiginkona mín Abbey.“

,,Þegar ég svaraði þá var þetta ekki Abby heldur Mourinho sem sat á skrifstofunni sinni. Hann spurði mig hvort ég væri tilbúinn“

,,Hann hló nánast eins mikið og ég. ‘Peter! Við þurfum þig, koma svo! Við þurfum þig!’

,,Fjölmiðlafulltrúi Tottenham hafði gefið honum númerið mitt. Eins mikið og ég hefði viljað svara kallinu þá komst ég að þeirri niðurstöðu að það myndi taka mig enn lengri tíma að komast í stand eftir að hafa lagt skóna á hilluna.“

,,Það er leiðinlegt að segja frá því en ég mun ekki skora mörk í ensku úrvalsdeildinni á næstunni þó að það hafi verið gaman að ræða við Mourinho.“