Mikel Arteta, stjóri Arsenal, viðurkennir að hann hafi efast um framherjann Pierre Emerick Aubameyang áður en hann tók við liðinu.

Arteta og félagar unnu 3-2 sigur á Everton í dag þar sem Aubameyang skoraði tvö mörk og var besti maður vallarins.

,,Það var ótrúleg vinna sem Aubameyang var að setja í verkefnið. Áður en ég tók við þá hafði ég mínar efasemdir en hann sýndi sína tryggð,“ sagði Arteta.

,,Ég vildi að hann myndi sýna það ef honum langaði í sigurinn og láta finna fyrir sér.“

,,Hann er okkar mikilvægasti leikmaður og það er ekki hægt að efast um hans framlag. Við verðum að sannfæra hann um að spila hér áfram.“