Giannis Bitzidis, umboðsmaður Ögmundar Kristinssonar segir ekkert til í frétt Fótbolta.net að hann sé á leið til PAOK í Grikkland.
Fótbolti.net hélt því fram fyrr í vikunni að Ögmundur myndi ganga í raðir PAOK í sumar frá Larissa, þegar samningur hans er á enda. Sagt var að samkomulag um slíkt væri í höfn.
Ögmundur er þrítugur en hann lék áður í Danmörku og Svíþjóð áður en hann hélt til Hollands. Frá Excelsior í Hollandi hélt hann svo til Grikklands.
Hann hefur spilað einkar vel með Larissa og fjöldi liða vill semja við þennan öfluga markvörð í sumar.
„Orðrómur var uppi um það að Ögmundur væri á leið til PAOK en liðið hefur alfarið neitað því. Þessar fréttir standast ekki og nú hefur umboðsmaður hans neitað þessu. Það virðist ekki vera neinn samningur á borðinu eða samkomulag um eitt né neitt,“ segir Konstantinos Tastsoglou, blaðamaður hjá Metrosport við Íslendingavaktina.
